Zahmet Weshoush

زحمة وشوش، ألوان رطوش أحلام بتنزل على فاشوش موجة تعدي تغرقك، صدمة بتيجي تفوقك إيدين تمد وتلحقك، عصافير وبتروض وحوش شايفين حياتنا ملونة وزاهية بس الحقيقة العتمة جوانا بيوت ورق نفخة هوا تزيحها برواز بيلمع وصورة بهتانة الحسبة كام وإزاي بنحسبها في حجات بنخسر لما نكسبها وحبال نعيش متعلقين فيها وفي لحظه تجرح إيدنا ونسيبها دي بيوت وعيلة وهموم وشيله أحوال بتتبدل في ليلة كلام بيهرب للسكات وبكره يهرب للفات تاخدنا سكة أمنيات وتردنا الحيلة القليلة قدام مرايتك قولي شايف مين وشك بيضحك ولا قلب حزين سرك داريته عن عيون الناس بس النهارده شوفته ملو العين مش كل أبيض شوفته كان واضح (آه) ولا كل أسود جاي وراه أحزان واللي أفتكرته نهاية محتومة أتاريه بداية ولسه فالإمكان زحمة وشوش، ألوان رطوش أحلام بتنزل على فاشوش موجة تعدي تغرقك، صدمة بتيجي تفوقك إيدين تمد وتلحقك، عصافير وبتروض وحوش